尤物麻將online

火燒影帝

Foxy-軟體下載點2019│瀏覽:368

火燒影帝

「魔警」張家輝 拍戲遭火噬 爛面毁容 慘﹗

出爐金像影帝張家輝,近年專揀打打殺殺嘅電影嚟拍,真係攞苦嚟辛,而家輝今次喺新片《魔警》中,仲激到被火燒兼爛面毁容,原來影帝真係可以去到好盡。

警匪片《魔警》喺4月18日上映,先後憑《証人》及《激戰》勇奪影帝殊榮嘅張家輝,今次演出會唔會入圍下屆金像獎,就言之尚早,但係相信誠意演出,有機會造就理想票房,呢齣戲有冇誠意就要觀眾自己睇,張家輝就話:「今次喺《魔警》入面,我戲份真係唔算好多,應該係Daniel(吳彥祖)先有機會贏『最佳男主角』!其實近幾年出席過唔少頒獎禮,有贏過,亦都有輸過,我諗作為演員最重要並唔係攞獎,而係喺事業上有冇突破,可唔可以帶俾觀眾新鮮感。」

講番齣戲係由家輝嘅好拍檔林超賢執導,過往佢哋合作,確實係畀到觀眾驚喜。林超賢今次喺《魔警》再畀張家輝一次大挑戰,導演話:「衝入火場,燒到甩皮甩骨先好出嚟!」

張家輝今次喺《魔警》一人分飾兩角,一是經常戴著「鬼王面具」、四處殺人放火嘅大賊,另一個係喺電影預告中回頭奸笑嘅魔鬼警員。

喺《魔警》開拍前,張家輝已向導演事先聲明,唔想再操大隻,家輝話:「拍《激戰》嗰陣,餐餐白烚雞肉雞蛋,0依家諗番起都想嘔。我同導演講不如玩吓第二啲,我可以去到好盡,只要唔使再練大隻,乜都得!跟住導演就笑住咁講,不如試吓放火燒你吖。當初以為佢講笑啫,點知原來嚟真!」

呢場「火燒影帝」戲,講述飾演警員嘅張家輝,喺一次執勤期間,意外令一名無辜巿民死咗,及後張家輝返屋企同媽咪吃飯,誰知仇家竟然上門找晦氣,鎖鐵閘、倒火水、再放火,家輝因為捨命火場救戲中阿媽馮素波,而慘遭活活燒死,場面震撼。

製作認真嘅林超賢,指明拍攝現場要用真火,同時為營造被火燒至甩皮甩骨效果,化妝師預先用麵粉同人造膠製作假人皮,逐少貼到家輝嘅臉同手腳,之後再上色,每次花4個鐘化妝,出來效果如同喪屍,家輝話:「化妝仲ok,不過落妝就搞成個幾鐘,因為啲假皮係用膠水貼上去,要用特別卸妝水先抹得走,抹完之後成塊臉乸住乸住,好多紅印,洗幾多次臉都唔得。」


回Foxy-軟體下載點2019

光速城市免費計數器

0所有文章皆由程式自動從網路抓取,所有權皆該屬文章擁有者。