尤物麻將online

四哥老馬有火

回Foxy軟體程式下載目錄│瀏覽:379

四哥老馬有火



無綫噚晚首播由謝賢(四哥)﹑胡楓(修哥)及Joe Junior主持嘅旅遊節目《三個小生去旅行》,節目被指取材自韓國節目《花樣爺爺》,只係略改一啲形式,就成為自家創作。呢三位加埋225歲嘅小生,是次行程為14天,佢哋會由香港坐飛機經過土耳其伊斯坦堡,去到西班牙巴塞隆拿,之後再坐火車去馬德里及西維爾,最後行程係葡萄牙里斯本。

噚晚播出部份拍攝花絮,修哥﹑四哥及Joe Junior似三個老頑童,喺節目中唱歌﹑互寸互窒﹑大擺Chok甫,令人笑破肚皮,其間佢哋要入住青年旅舍兼食飯盒,四哥坦言:「好過TVB飯盒。」Joe Junior就話:「TVB飯盒改進咗啦﹗」

噚日播出佢哋推行李﹑洗衫一腳踢﹑N個難忘經驗﹑同街頭賣唱藝人唱歌﹑駕船睇日落以及下廚等部份片段,認真Happy﹗

不過今日網上卻離奇流出一段鏡頭以外15秒「花絮」,四哥向Joe Junior爆粗﹗片段中四哥以英文同疑似酒店人員交談,四哥話:「let them inside...two of them!」之後四哥就急急叫Joe Junior及修哥上車,而Joe Junior本想「敬老」讓修哥上車,豈料四哥此時不耐煩爆粗:「上啦上啦X你老X快啲嘛﹗」

唔少網民睇到呢條片都笑爆嘴,話四哥「愈老愈有火」﹑「笑到癲咗」﹑「睇幾次笑幾次」。


回Foxy軟體程式下載目錄

光速城市免費計數器

0所有文章皆由程式自動從網路抓取,所有權皆該屬文章擁有者。